Sa ngalan sa Amahan, ug sa Anak, ug sa Espiritu Santo. Amen
Langitnong Amahan, sa Ngalan ni Hesukristo nga among Ginoo ug Manluluwas, pinaagi sa gahum sa Balaang Espiritu, kami naga-ampo nga ang makahinlo nga gahum sa bililhong dugo sa Imong Anak moabut kanamo karon mismo. Hinloi kami ug hugasi kami nga limpyo sa dugo ni Hesus gikan sa taas sa among mga ulo hangtod sa mga lapalapa sa among mga tiil. Himoa nga kini nga dugo motuhop sa utok sa among mga bukog aron sa paghinlo kanamo gikan sa bisan unsa nga pagkagapos gikan sa bisan unsa nga espiritu nga among nahimamat sa panahon sa among pagpangamuyo. Dihogi kami sa mga gasa sa Balaang Espiritu ug palagsika ang among lawas, kalag, ug espiritu; ug hinaut nga ang timaan sa Imong Balaang Krus magapapahawa sa tanang dautang espiritu gikan kanamo.
Sa ngalan sa Amahan, ug sa Anak, ug sa Espiritu Santo. Amen